Back to Blog

Деловниот свет на Турција и Северна Македонија се поврза во Скопје

Во рамки на трговската делегација на ТИМ, 26 турски компании остварија B2B средби со македонски компании.

Скопје, 1 октомври 2026 – Во хотелот DoubleTree by Hilton во Скопје се одржаа Турско–македонските B2B деловни средби, организирани од Министерството за трговија на Република Турција и Собранието на извозници на Турција (TİM), со поддршка на Стопанската комора Македонија–Турција (MATTO), Стопанската комора на Северна Македонија и Стопанската комора на Северозападна Македонија.

Во рамки на програмата, 26 турски компании од различни сектори се сретнаа со претставници на македонскиот деловен сектор и разговараа за можности за трговска соработка, инвестиции, заеднички проекти и развој на нови деловни партнерства.

На отворањето на настанот се обратија членот на Советот на сектори на TİM и претседател на делегацијата Искендер Каплан, извршниот директор на Стопанската комора на Северна Македонија Антони Пешев, претседателот на Стопанската комора на Северозападна Македонија Нухи Алиу, претседателот на Управниот одбор на MATTO Ајдоган Адемоски, како и амбасадорот на Република Турција во Скопје и почесен претседател на MATTO Алпер Акташ.

Ајдоган Адемоски: „Да ги претвориме средбите во конкретни деловни партнерства“

Претседателот на Управниот одбор на MATTO, Ајдоган Адемоски, во своето обраќање истакна дека Северна Македонија не треба да се гледа само како пазар, туку и како стратешка платформа кон Балканот и европските пазари.

Тој нагласи дека поврзувањето на производствената и извозната сила на турските компании со стратешката позиција, потенцијалот и деловните можности на Северна Македонија може да создаде нови можности за двете деловни заедници.

Адемоски посочи дека B2B средбите не треба да останат само на размена на контакти, туку да резултираат со конкретни трговски договори, инвестиции, заеднички проекти и долгорочни деловни партнерства.

MATTO – 18 години мост меѓу Турција и Северна Македонија

Основана во 2008 година, MATTO веќе 18 години има значајна улога како економски и институционален мост меѓу Турција и Северна Македонија.

Денес MATTO обединува над 140 реномирани компании од Турција и Северна Македонија, кои работат во различни стопански сектори.

Компаниите-членки на MATTO имаат значаен придонес во македонската економија и обезбедуваат директно вработување за над 20.000 лица.

Турција е втора по големина земја инвеститор во Северна Македонија според директните странски инвестиции, со вкупни турски инвестиции од над 2 милијарди евра. Турција е исто така шести најзначаен трговски партнер на Северна Македонија, додека трговската размена меѓу двете земји надминува 1 милијарда евра.

Овие показатели ја потврдуваат силната економска основа на односите меѓу двете земји, но истовремено укажуваат и на значителниот простор за нивно понатамошно унапредување.

B2B средбите отворија нови можности за соработка

По официјалниот дел, започнаа директните B2B деловни средби меѓу турските и македонските компании.

Во текот на средбите беа разгледани можности за трговија, инвестиции, заедничко производство, деловен развој и пристап до нови пазари.

MATTO останува посветена на понатамошното поврзување на деловните заедници на двете земји и на создавање услови за нови инвестиции, зголемување на трговската размена и развој на долгорочни деловни партнерства.

MATTO – 18 години мост меѓу Турција и Северна Македонија.

Share this post

Back to Blog